19/03/2013 12:02:28

Pritet masa e arrestit për mostrën që vrau minorenin

Vazhdojnë kërkimet për gjetjen e trupit të 11 vjeçarit, i vrarë nga Ardian Prrenjasi

TIRANË - Gjykata e Tiranës jep sot masën e arrestit për pedofilin Prrenjasi, ndësa policia nis kërkimet në landfillin e Sharrës për gjetjen e trupit të minorenit 11 vjeç Juljan Çela. Ardian Prrenjasi akuzohet për "heqje të lirisë në mënyrë të paligjshme" ndaj të miturit me inicialet A.C si dhe “abuzim seksual me të mitur”. Pedofili u arrestua nga policia ditën e Dielë ndërsa po tentonte të vriste 10-vjeçarin me inicialet A.C. Ai ka pranuar se ka vrarë 11-vjeçarin i cili rezultonte i zhdukur që nga data 30 Nëntor i vitit të kaluar. Pas dy ditësh kërkim, policia nuk ka arritur të gjejë asnjë gjurmë të trupit të 11 vjeçarit në pikën e grumbullimit të mbeturinave në Sharrë. Kërkimet kanë nisur edhe sot, rreth orën 09:00 nga persona të autorizuar nga policia dhe prokuroria e Tiranës. Në lanfillin e Sharrës, gjenden edhe prindërit të 11-vjeçarit.

HermesNews - ©2013

Dërgo me email | Stampo artikullin