15/03/2013 12:08:10

Lumi Vjosë në një pikë kritike

Më e rënduar situata paraqitet në fshatrat Cerven, Kashisht dhe Pishporo, ku për t’i paraprirë gjëndjes kanë filluar edhe evakuimet e para të gjësë së gjallë

FIER - Prurjet e lumit Vjosë kanë arritur në pikën kritike. Intensiteti i lartë i reshjeve të shiut, i cili ka nisur gjatë natës së kaluar dhe ka vazhduar gjatë gjithë ditës së sotme, ka shtuar edhe më shumë prurjet e ujit, niveli i të cilit ka arritur në kuotën maksimale. Të gjitha efektivat e policisë në Fier, kanë kaluar në shërbim të përforcuar dhe në bashkëpunim me shtabin e emergjencës dhe njësitë vendore po monitorojnë situatën dhe në rast përkeqësimi të saj pritet të bëhet evakuimi i banorëve dhe bagëtive të zonave të përmbytura. Më e rënduar situata paraqitet në fshatrat Cerven, Kashisht dhe Pishporo, ku për t’i paraprirë gjëndjes kanë filluar edhe evakuimet e para të gjësë së gjallë. Situata e prurjeve të lumit Vjosë vazhdon të mbetet kritike. Disa hektarë tokë dhe 5 banesa në fshatin Ferras janë prekur nga uji. Rreziku i daljes së tij nga shtati është evident. Pese banesa dhe disa ha tokë në fshatin Ferras, buzë shtratit të këtij lumi, janë prekur nga përmbytja.

HermesNews - ©2013

Dërgo me email | Stampo artikullin