14/03/2013 14:30:59

Elbasan, cikloni shkakton dëme

Cikloni, i shoqëruar me reshje shiu, nuk ka shkaktuar dëme materiale, ashtu sikundër edhe pakënaqësi tek të ftuarit në këtë ditë feste, pasi qytetarët më herët i ishin drejtuar lokaleve për të drekuar

ELBASAN - Përreth 30 minuta, moti, iegërsuar papritur, me ciklon dhe shira të dendur, ka shkaKtuar trafik dhe disa dëme të lehta në rajonin e Elbasanit.
Fatmirësisht festa e Ditës së Verës ka qenë drejt përfundimit, kur cikloni ka përfshirë disa tezga në sheshin para portës së Kalasë, duke shkaktuar veç dëme materiale dhe jo në njerëz. Në rrugët dytësore të qytetit disa degë pemësh janë thyer, duke shkaktuar trafik, por ka qenë e menjëherëshme ndërhyrja e punonjësve të mirëmbajtjes në bashki, të cilët kanë bërë të mundur heqjen e degëve të pemëve si edhe lirimin e trafikut. Cikloni ka shkaktuar dëme edhe në qytetin e Librazhdit, ku si pasojë e shirave disa gurë kanë rënë nga shpati i malit në vendin e quajtur "Kthesat e Murrashit”, por pa shkaktuar problem në qarkullim.

HermesNews - ©2013

Dërgo me email | Stampo artikullin