12/03/2013 17:47:36

Vota e 16 vjeçarëve, Meta OK, nëse vendimi është konsensual

Meta, 16 vjeçarët e meritojnë të votojnë dhe të marrin përgjegjsitë e tyre, pasi kanë gjithë informacionin e duhur për të bërë gjykimin dhe vlerësimin e duhur

TIRANË - Kryetari i lëvizjes socialiste për Integrim Ilir Meta, u shpreh sot pro opsionit të hedhur nga Kryeministri Berisha për uljen e moshës së votuesve, në 16 vjeç. Gjatë një komunikimi me gazetarë, pas takimit të zhvilluar me vëzhguesit e ODIHR-it, duke iu referuar edhe statusit të LSI-së si forca e parë në vend që lejon 16 vjecarët të votojnë brenda partisë, Meta tha se “LSI-ja mendon se 16 vjeçarët e meritojnë të votojnë dhe të marrin përgjegjsitë e tyre, pasi kanë gjithë informacionin e duhur për të bërë gjykimin dhe vlerësimin e duhur. LSI-ja është e para forcë politike në Shqipëri, që ka ndryshuar statusin për t’u dhënë të drejtën e votës të rinjve, brenda partisë”. Por, sipas Metës “marrjes së këtij vendimi duhet t’i paraprijë konsensusi mes palëve”.

HermesNews - ©2013

Dërgo me email | Stampo artikullin