12/03/2013 11:02:22

Sekuestrohen 10,5 kg drogë në Durrës

Autovetura tip Fiat Brava me targë DJ 139 SG është kontrolluar në pikën e kalimit kufitar portual të Durrësit dhe 9 pakot e lëndës narkotike janë gjetur të fshehura në pjesë të ndryshme të mjetit

DURRES - Forcat e policisë së Durrësit kanë sekuestruar një sasi prej 10.5 kg lëndë narkotike canabis sativa, ndërsa janë arrestuar dy të rinj që po e transportonin atë me automjet drejt Italisë. Burime zyrtare nga drejtoria e policisë së qarkut bënë të ditur se autovetura tip Fiat Brava me targë DJ 139 SG është kontrolluar në pikën e kalimit kufitar portual të Durrësit dhe 9 pakot e lëndës narkotike janë gjetur të fshehura në pjesë të ndryshme të mjetit. Sot në orët e para të ditës janë arrestuar Shkëlzen Hoxha, 27 vjeç, drejtues i autoveturës dhe Elton Goseni, 20 vjeç, që udhëtonte bashkë me të. Të arrestuarit janë nga Lushnja, shtuan burimet, sipas të cilave, të rinjtë që po transportonin lëndën narkotike ishin drejtuar për në Bari (Itali).

HermesNews - ©2013

Dërgo me email | Stampo artikullin