11/03/2013 09:59:42

Vdekja e arkitektit: kemi nevojë për një shoqëri më humane

Shoqata e arkitektëve, 'ikja e Agronit na bën të reflektojmë thellë të gjithëve për raportet e shoqerisë me individin'

TIRANE - Kryesia e Shoqatës së Arkitekteve të Shqipërisë do të organizojë sot homazhe nga ora 13:00-14:00 pranë Shtëpisë Qëndrore të Ushtrisë, prej nga do niset ceromonia e percjelljes së fundit të kryetarit të saj, arkitektit të njohur, Agron Jano.

Duke e konsideron "ndarje të parakoheshme nga jeta të mikut dhe kolegut, arkitektit Agron Jano", Shoqata e Arkitektëve të Shqiperisë vlerëson në një njoftim për median kryetarin e vet si "profesionist mjaft i respektuar, njeri mjaft i perkushtuar si karshi profesionit te tij, ashtu dhe ndaj problemeve shoqerore te vendit. Me largiminin e tij të papritur familja humbi njeriun e saj të shtrenjtë, shoqëria një qytetar te devotshëm, dhe ne miqte e koleget e tij humbëm një pjesë të shpirtit tonë, humbëm një shok, te cilit do t'ja ndjejmë mungesën".

"Ikja e Agronit na ben të reflektojmë thellë të gjithëve për raportet e shoqerisë me individin, na bën të kuptojmë se duhet të përpiqemi për një shoqëri më humane dhe me sens pozitiv, ndaj cilitdo e aq me teper ndaj atyre, që me punën, eksperiencën dhe përkushtimin e tyre, i dhanë shumë shoqërisë, vendit e brezave më të rinj", përfundon njoftimin Shoqata e Arkitektëve të Shqipërisë.

HermesNews - ©2013

Dërgo me email | Stampo artikullin