09/03/2013 18:51:21

Makina del nga rruga: dy të plagosur

Si pasojë e përplasjes kanë mbetur të dëmtuar drejtuesja e automjetit dhe një e afërme e saj

LIBRAZHD - Një aksident me pasojë plagosjen e dy shtetaseve ka ndodhur sot në aksin rrugor Elbasan - Librazhd në vendin e quajtur Xibrrakë. Burime të Policisë bëjnë të ditur se “një mjet tip Wolksvagen me targë TR 5121 S, qe lëvizte në drejtim të Elbasanit ka dalë nga rruga dhe pasi është përplasur në anë të saj, ka dalë jashtë trasesë duke përfunduar në nje kanal”. Si pasojë e përplasjes kanë mbetur të dëmtuar drejtuesja e automjetit dhe një e afërme e saj. Ato janë dërguar në spitalin kirurgjik ku ndodhen nën kujdesin e mjekëve. Sipas burimeve spitalore, njëra prej të aksidentuarave ka pësuar dëmtime serioze në këtë aksident ndërsa tjetra ka pësuar dëmtime të lehta . Në vendin e ngjarjes shkuan policia dhe ekspertët e aksidenteve rrugore dhe sipas hetimeve paraprake rezulton se shkak i aksidentit mund të ketë qenë shpejtësia tej normave dhe moti me lagështi e mjegull.

HermesNews - ©2013

Dërgo me email | Stampo artikullin