07/03/2013 16:32:33

Vendosen emrat e trupit gjykues për dosjen 21 Janari në Apel

Prokuroria dërgoi çështjen në apel dhe kërkon ndryshimin e vendimit penal të Gjykatës së Tiranës

TIRANË - Gjykata e Apelit hodhi sot shortin për të përcaktuar trupën gjykuese të çështjes së 21 Janarit. Sipas burimeve zyrtare të Gjykatës së Apelit në Tiranë, turpën gjykuese do ta kryesoj Gjyqtari Astrit Haxhialushi, ndërsa anëtarë të trupit gjykues do të jenë Fatos Qato dhe Tom Ndreca. Pas vendimit të 7 Shkurtit, ku u shpallën të pafajshëm drejtuesit e Gardës së Republikës, të cilët sipas gjykatës, prokuroria nuk kishte paraqitur provat që vërtetonin se dy të pandehurit kishin qëlluar me dashje ndaj protestuesve, për të cilët gjykata e pranonte se të paktën dy nga manifestuesit ishin qëlluar nga armët e përdorura nga komandanti i Gardës Ndrea Prendi dhe drejtuesi i njësisë speciale Agim Llupo, Prokuroria dërgoi çështjen në apel dhe kërkon ndryshimin e vendimit penal të Gjykatës së Tiranës.

HermesNews - ©2013

Dërgo me email | Stampo artikullin