07/03/2013 10:40:18

Rriten çmimet e ushqimeve gjate muajit Shkurt

Sipas INSTAT-it, krahasuar me një vit më parë, ndryshimi vjetor 2011-2012 është 2.5%, nga 0.6% që ishte për vitin 2010-2011

TIRANE - Indeksi i Çmimeve të Konsumit (ICK) në muajin Shkurt shënoi rritjen 1.1% më shumë se në Janar, ku ndikim kryesor dha rritja e çmimeve të prodhimeve ushqimore, kryesisht ato jo alkolike dhe frutat. Sipas INSTAT-it, krahasuar me një vit më parë, ndryshimi vjetor 2011-2012 është 2.5%, nga 0.6% që ishte për vitin 2010-2011.

Krahasuar me muajin Janar, ICK e grupit "Ushqime dhe pije jo alkoolike" u rrit 2.6% në Shkurt, ku rritje më të madhe të çmimeve me 17.0% u shënua në nëngrupin "zarzavate, përfshirë patatet". Rritje të çmimeve u shënuan në Shkurt dhe për disa nëngrupe të tjera ushqimesh, mes të cilave, 2.5% më shumë në nëngrupin "Fruta", me 0.4% për "qumësht, djath e vezë", etj.

Në disa nëngrupe të tjera ushqimore çmimet shënuan ulje, si në nëngrupet "sheqer e embëlsira" me 1.5%, "vajra dhe yndyrna" me 0.5%, etj. Rritje me 0.3% pësuan edhe çmimet për grupin "Pije alkoolike dhe duhan", brenda të cilit çmimet e pijeve alkoolike u rritën me 0.5%, ndërsa çmimi i duhanit me 0.1%.

HermesNews - ©2013

Dërgo me email | Stampo artikullin