06/03/2013 16:58:09

Periudha post-Chavez

Si u komentua vdekja e presidentit venezuelan nëpër mediat europiane ?

MADRID - Njoftimi për vdekjen e presidentit, Hugo Chavez hap një periudhë pasigurish politike me një luftë për pasuesin e këtij ish-gjenerali që lë, pas 14 vjetësh në pushtet, një trashëgimi të kontrastuar, sipas shtypit europian.

"Hapet tashmë një periudhë pasigurie për qeverinë provizore'', shkruan e përditshmja spanjolle e qendrës së djathtë El Mundo. Si zëvendëspresident dhe pasardhës i mundshëm, Nicolas Maduro ka rritur tensionet duke deklaruar, ashtu si ishte shprehur Chavez para tij, se presidenti ka qenë viktimë e një sulmi të armiqve të Venezuelës'', nënvizon e përditshmja.

"Vdekje e pritur dhe pasiguri", shkruan gazeta konservatore spanjolle ABC duke nënvizuar se trashëgimtari i tij politik, Nicolas Maduro ka përfituar nga momentet e fundit për të provokuar një tension të panevojshëm me SHBA-në, pa dyshim për të mbajtur mbështetësit e tij nën tension.

"Venezuela është në gjendje urgjence'', shkruan e përditshmja portugeze ''Publico'' duke kujtuar se qeveria ka mobilizuar ushtrinë dhe forcat e policisë në vend.

''Vdekja e Chavezit do të zhysë Venezuelën në një periudhë pasigurie'', shkruar e përditshmja franceze ''Le Figaro'', në një editorial të titulluar "Fundi i një provokatori".

"Lufta për lidershipin e revolucionit është hapur'', shkruan gjithashtu e përditshmja portugeze ''Diario de Noticias'' që i ka kushtuar, ashtu si shumë të përditshme, një dosier special vdekjes së drejtuesit venezuelian.

"Chavez, shefi i fundit ushtarak vdiq", titron artikullin e saj, e mjta italiane ''La Repubblica'' duke shpjeguar se një pakicë e venezuelianëve e kanë urryer gjithmonë dhe më shumë se gjysma e venezuelianëve e kanë transformuar në hero epik dhe mitologjik.

"Drejtuesi venezuelian lë një trashëgimi arsimore dhe shëndetësore për të varfërit përkrah një infrastrukture që lë për të dëshiruar dhe një varësi ekonomike ndaj naftës'', shkruan e përditshmja britanike e qendrës së majtë, ''The Guardian''.

Hugo Chavez ishte revolucionar, populist, elokuent'', shkruan e përditshmja popullore franceze ''Le Parisien''. E përditshmja liberale britanike ''Financial Times'' e përshkruan si një populist që ka ndërtuuar pushtetin e tij mbi petro-diplomacinë, duke shtuar se trashëgimia e tij është një vend i banuar nga zhgënjimi revolucionar që vuan nga institucionet e pamjaftueshme dhe një ekonom e brishtë''.

"Asnjë president i rajonit nuk ka miratuar në një përmasë të ngjashme antiamerikanizmin agresiv të Chavezit që e ka çuar në vëllazërimin me metalitetin demokratik të dyshimtë si Irani apo Bjellorusia'', nënvizoi gjithashtu ''Frankfurter Allgemeine Zeitung''.

HermesNews - ©2013

Dërgo me email | Stampo artikullin