04/03/2013 15:52:50

Mbifaturimet, qytetarët ankohen: ZMK, seancë dëgjimore

Altin Goxhaj, drejtues i Zyrës në Mbrojtje te Konsumatorit kërkoi verfikimin e këtyre ankesave e gjithashtu shtoi se qytetarëve u ka ikur besimi ndaj kompanisë për shkak të ketij fenomeni

TIRANE - Zyra për Mbrojtjen e Konsumatorit, zhvilloi një seancë dëgjimore në Entin Rregullator të Energjisë me Kompaninë Cez Shpërndarje, lidhur me mbifaturimet e qytetarëve për muajin janar. Altin Goxhaj, drejtues i Zyrës në Mbrojtje te Konsumatorit kërkoi verfikimin e këtyre ankesave e gjithashtu shtoi se qytetarëve u ka ikur besimi ndaj kompanisë për shkak të ketij fenomeni.

Perfaqesuesi i Cez Shperndarje, Ilirjan Shkëmbi, që është edhe drejtuesi i sektorit të shitjeve, e justifikoi këtë fenomen duke e lidhur me periudhen dhjetor – janar, në të cilën konsumi rritet ndjeshëm nga qytetarët.

Një tjetër shqetësim i ngritur nga ZMK është edhe shërbimi online E-BILL, shërbim që është hequr nga faqja zyrtare e CEZ. Përfaqësuesi i CEZ shpërndarje, Shkëmbi, tha se E-BILL, është një shërbim që jepej nga CEZ ALBANIA. Shoqëria CEZ Shpërndarje përkohesisht nuk e zotëron atë, megjithatë sipas Shkembit po behën përpjekje që ky shërbim të ofrohet sërish.

HermesNews - ©2013

Dërgo me email | Stampo artikullin