01/03/2013 10:15:08

Gjirokastër, hidhet në erë dyqani në zonën muzeale

Ngjarja ka ndodhur në orën 04.10, në lagjen Muzeale, kur dy persona, tashmë të identifikuar, kanë vendosur në derën e jashtme të dyqanit në pronësi të shtetasit Shefki Karagjozi, 200 gram tritol

GJIROKASTËR - Një shpërthim i fuqishëm ka ndodhur në orët e para të mëngjesit të sotëm në Qafën e Pazarit, në qytetin e Gjirokastrës, fatmirësisht pa të lënduar. Në një komunikatë për shtyp, Policia e Gjirokastrës bëri të ditur të premten se "ngjarja ka ndodhur në orën 04.10, në lagjen Muzeale, kur dy persona, tashmë të identifikuar, kanë vendosur në derën e jashtme të dyqanit në pronësi të shtetasit Shefki Karagjozi, 200 gram tritol, duke shkaktuar dëme të shumta materiale. Grupi hetimor i ngritur në vendngjarje ka nisur hetimet për zbardhjen e ngjarjes, ndërsa po punohet për kapjen e autorëve të krimit.

HermesNews - ©2013

Dërgo me email | Stampo artikullin