28/02/2013 10:38:47

Azia, kontinenti i njerëzve më të pasur të botës

Nga 1,453 persona, pasuria e të cilëve arriti në miliarda dollarë amerikan në muajin janar, 608 ndodhen në Azi, 440 në Amerikën e Veriut dhe 324 në Europë

PEKIN - Azia është kontinenti që numëron më shumë miliarderë, ndjekur nga Amerika e Veriut dhe Evropa, sipas një studimi të publikuar sot nga revista kineze Hurun Report.

Nga 1,453 persona, pasuria e të cilëve arriti në miliarda dollarë amerikan në muajin janar, 608 ndodhen në Azi, 440 në Amerikën e Veriut dhe 324 në Europë.

''Në rang vendesh, SHBA vazhdon të dominojë klasifikimin me 408 miliarderë, ndjekur nga Kina që numëron 317. Vendet e mëtejshme i zënë Rusia, Gjermania dhe India'', thekson revista.

"Njeriu më i pasur në botë është meksikani Carlos Slim, 73 vjeç dhe që ka një pasuri prej 66 miliardë dollarësh, sipas revistës Hurun Reports. Slim është klasifikuar gjithashtu në krye të më të pasurve në botë vitin e kaluar nga revista Forbes.

Investitori amerikan, Warren Buffett renditet i dyti dhe spanjolli Amancio Ortega, themeluesi i markës ''Zara'', i treti me një pasuri personale që arrin në 58 miliardë dhe 55 miliardë dollarë.

Pasuria e të gjithë miliarderëve të planetit është vlerësuar nga ''Hurun'' me 5 500 miliardë dollarë, sa Prodhimi i Brendshëm Bruto japonez, ekonomia e tretë botërore në vitin 2012.

HermesNews - ©2013

Dërgo me email | Stampo artikullin