26/02/2013 16:23:07

SHBA, shpresa për zgjidhje paqësore me Iranin

Fuqitë e grupit 5+1 dhe Irani filluan sot negociatat e tyre në Alma Ata, në Kazakistan në përpjekje për të kapërcyer divergjencat dhe për t'i dhënë fund krizës së programit bërthamor iranian

BERLIN - Sekretari amerikan i Shtetit, John Kerry u shpreh sot në Berlin se shpresonte se fuqitë e mëdha dhe Irani do të gjenin një zgjidhje diplomatike mbi programin bërthamor iranian, ditën e parë të një takimi ndërkombëtar në Alma Ata. "Shpresoj se këto bisedime mund të përparojnë dhe që Irani të zgjedhë (...) të përparojë në rrugën drejt një zgjidhje diplomatike", deklaroi Kerry. "Ka vetëm një zgjidhje diplomatike. Vetëm një rrugë për të ecur përpara dhe dëshiroj që këto bisedime të ishin një mundësi", theksoi ai në një konferencë të përbashkët shtypi me homologun e tij gjerman, Guido Westerwelle.

Dërgo me email | Stampo artikullin