25/02/2013 16:54:33

Franca dhe Gjermania plan ndihme për Qipron

Kandidati i së djathtës, Nikos Anastasiadhis fitoi dje, me 57 për qind të votave në turin e dytë të zgjedhjeve presidenciale në këtë ishull në prag të falimentimit

PARIS - Franca dhe Gjermania i bënë një thirrje të përbashkët qeverisë së ardhshme qipriote, të nisin sa më shpejt negociatat për zbatimin e planit të shpëtimit financiar. "Ne përshëndesin rezultatet e zgjedhjeve qipriote të 24 shkurtit, që do të mundësojnë formimin e një qeverie që do t'i duhet të fillojë sa më shpejt negociatat për programin e asistencës financiare në Qipro'', konfirmuan në një komunikatë ministrat gjermanë dhe francezë të Financave, Wolfgang Schauble dhe Pierre Moscovici. Kandidati i së djathtës, Nikos Anastasiadhis fitoi dje, me 57 për qind të votave në turin e dytë të zgjedhjeve presidenciale në këtë ishull në prag të falimentimit. Ai u angazhua menjëherë për t'i rikthyer besueshmërinë Qipros dhe për të marrë të gjitha masat e nevojshme për të nxjerrë vendin nga kriza ekonomike.

HermesNews - ©2013

Dërgo me email | Stampo artikullin