24/02/2013 12:55:53

Tepelene, bllokohen 80 kg hashash

Sipas policisë rajonale, lënda narkotike u bllokua rreth orës 22:00, gjatë operacionit të koduar Betoni, rreth 10 km larg Tepelenës

TEPELENË - Të paktën 80 kg hashash u bllokuan mbrëmjen e djeshme në një kamionin, në rrugën kombëtare Gjirokastër-Tepelenë, në afërsi të “Ujit të Ftohtë”, ndërsa një person u ndalua. Sipas policisë rajonale, lënda narkotike u bllokua rreth orës 22:00, gjatë operacionit të koduar “Betoni” (foto) rreth 10 km larg Tepelenës. I njëjti burim tha se lënda narkotike, e ndarë në 25 pako në formë katrore, me pesha të ndryshme u identifikuar e fshehur poshtë blloqeve të betonit të kamionit tip “Benz”, me targa TR 6591 L, në pronësi të Shaho Bejko, 23 vjeç, tashmë i ndaluar. “Nga hetimet paraprake u konstatua se hashashi ishte blerë në Lazarat, ndërsa Italia ishte destinacioni final”, thuhet në deklaratën e policisë. Tashmë ka nisur një procedurë ligjore për paraburgimin e 23 vjeçarit ndërsa provat materiale i kaluan prokurorisë për hetimet e mëtejshme.

HermesNews - ©2013

Dërgo me email | Stampo artikullin