24/02/2013 12:22:30

BB: ruani ekuilibrat makroekonomik

Goldstein, gjatë një takimi me Kryeministrin Berisha vlerësoi reformat e zbatuara në Shqipëri, të cilat ndihmuan që vendi të mos bjerë në recesion dhe të mbajë rritje ekonomike edhe në kushtet e krizës së rëndë botërore

TIRANË - "Banka Botërore do të vazhdojë të bashkëpunojë dhe financojë projekte që konsiderohen prioritare për qeverinë shqiptare dhe ekonominë reale, duke pasur prioritet sektorin e energjisë, por edhe sektorë të tjerë", deklaroi të shtunën Drejtoresha e re e Bankës Botërore dhe Koordinatore Rajonale për Evropën Juglindore, Ellen Goldstein, gjatë një takimi me Kryeministrin Sali Berisha. Ajo vlerësoi reformat e zbatuara në Shqipëri, të cilat ndihmuan që vendi të mos bjerë në recesion dhe të mbajë rritje ekonomike edhe në kushtet e krizës së rëndë botërore. "Ekonomia shqiptare ecën më shpejt dhe më mirë se ekonomitë e tjera, por ajo nuk mund t’i shpëtojë efekteve të kësaj krize të gjatë, ndaj kujdesi për ekuilibrat makro ekonomik, është gjithmonë i domosdoshëm", tha Goldstein.

HermesNews - ©2013

Dërgo me email | Stampo artikullin