23/02/2013 16:49:38

30% më pak taksa për artizanët

Vendimi i ri i Bashkisë së Tiranës

TIRANË - Bashkia e Tiranës reduktoi sot me 30 për qind taksën vendore për subjektet e biznesit të vogël që kryejnë aktivitetet e prodhimit apo shitjes me pakicë në fushën e punimeve të artizanatit në qytetin e Tiranës. Përfitimi i lehtësirave fiskale në pagesën e taksës vendore mbi biznesin e vogël erdhi pas një shtese në vendimin e Këshillit Bashiak nr.3, datë 05.02.2007 "Për sistemin e taksave dhe tarifave vendore në qytetin e Tiranës” (i ndryshuar. Sipas këtij vendimi, kjo kategori subjektesh do të përfitojë reduktim/lehtësim në masën 30% të vlerës së detyrimit të taksës për biznesin e vogël. Vendimi i shtrin efektet nga data 1 janar 2013, ndërkohë që për zbatimin e tij ngarkohet Drejtoria e Përgjithshme e Taksave dhe Tarifave Vendore dhe Drejtoria e Planifikimit Strategjik.

HermesNews - ©2013

Dërgo me email | Stampo artikullin