22/02/2013 17:25:25

Gati datat për provimet e lirimit

Nxënësit do të testohen në dy lëndë, përkatësisht në Gjuhën shqipe, provimi i të cilës do të zhvillohet në datën 12 qershor si dhe provimi i matematikës, që do të zhvillohet më datën 19 Qershor 2013

TIRANË - Provimet e Lirimit për nxënësit e klasave të IX-ta do të zhvillohen në të njëjtin format sikundër veprohet me provimet e maturës shtetërore. Ministria e Arsimit ka zbardhur datat se kur do të zhvillohen provimet e lirimit, të cilave u nënshtrohen çdo vit rreth 50 mijë nxënës në të gjithë vendin. Nxënësit do të testohen në dy lëndë, përkatësisht në Gjuhën shqipe, provimi i të cilës do të zhvillohet në datën 12 qershor si dhe provimi i matematikës, që do të zhvillohet më datën 19 qershor 2013. Provimet e Lirimit jepen vetëm me shkrim. Nxënësi që nuk arrin të marrë këto dy provime gjatë sezonit të qershorit ka të drejtë t'i rijapë sërish në sezonin e vjeshtës dhe vetëm më pas do të mund të ndjekë procedurat vijuese të regjistrimit për ndjekjen e studimeve të shkollës së mesme.

HermesNews - ©2013

Dërgo me email | Stampo artikullin