22/02/2013 12:03:55

Westerwelle, nuk bëjmë lëshime për të ardhmen europiane

'Gjermania mbështet perspektivën e europiane të vendeve të Ballkanit, por për t’u bërë pjesë e BE-së duhet përmbushur disa kritere'

TIRANE - Ministri i Jashtëm gjerman Guido Westerwelle gjatë një konference për shtyp me Ministrin Shqiptar Edmond Panariti tha se: "Gjermania mbështet perspektivën e europiane të vendeve të Ballkanit, por për t’u bërë pjesë e BE-së duhet përmbushur disa kritere. Dhe ne nuk do bëjmë lëshime për përmbushjen e perspektivës europiane. Që të jeni pjesë e Europës duhet të ketë konsensus, që të jeni pjesë e Europës duhet të ekzistojë demokracia në vend, institucionet të jenë të pavarura dhe sistemi gjyqësor të jetë i pavarura”, u shpreh ministri gjerman. Ministri Panariti u shpreh se: "Diskutuam mbi marrëdhëniet dhe situatën e Ballkanit Perëndimor. Vlerësova rolin konstruktiv të Gjermanisë në rajon dhe e sigurova që jemi të angazhuar për forcimin e marrëdhënieve të fqinjësisë së mirë", tha Panariti.


Agjenda/ Ora 09:40 – 10.00 Konferencë e Përbashkët për Shtyp Westerwelle-Panariti në MPJ

Ora 10:10– 10.55 Takim me presidentin e Republikës Bujar Nishani

Ora 11.00– 11:45 Takim me Sali Berishën, Kryeministër i Republikës

Ora 12:00– 12:30 Takim me Edi Ramën, Kryetar i Partisë Socialiste

Ora 13:00 Largimi nga Shqipëria

HermesNews - ©2013

Dërgo me email | Stampo artikullin