21/02/2013 18:44:52

Schulz kunder Berlusconit, paralajmeron italianet

'Silvio Berlusconi e çoi Italinë në një rrugë pa krye me veprimet e tij të papërgjegjshme qeveritare dhe kapriçiot personale', theksoi socialdemokrati gjerman

BERLIN - Presidenti i Parlamentit Europian, Martin Schulz paralajmëroi italianët kundër një rikthimi të Silvio Berlusconit në pushtet duke shtuar se ai e kishte çuar vendin në drejt një rruge pa krye kur ishte në pushtet.

"Silvio Berlusconi e çoi Italinë në një rrugë pa krye me veprimet e tij të papërgjegjshme qeveritare dhe kapriçiot personale'', theksoi socialdemokrati gjerman për të përditshmen ''Bild'' para zgjedhjeve legjislative italiane që do të zhvillohen të dielën dhe të hënën.

"Janë shumë gjëra në lojë gjatë zgjedhjeve të ardhshme, bëhet fjalë veçanërisht për të mos sabotuar besimin që vendi ka fituar me Mario Montin'', shtoi Schulz.

"Kam shumë besim tek zgjedhësit italianë që do të bëjnë zgjedhjen e duhur për vendin e tyre'', nënvizoi ai sipas propozimeve të raportuara në një komunikatë nga e përditshmja ''Bild''.

Sipas sondazheve të fundit, qendra e majtë e Pier Luigi Bersanit ka një avancë prej 2,5 deri në 4,5 pikë ndaj të djathtës së Silvio Berlusconit.

HermesNews - ©2013

Dërgo me email | Stampo artikullin