20/02/2013 10:29:51

Arrestohen punonjësit e zyrës së përkrahjes sociale

Tre nëpunës i vjedhin 2 milionë lekë shtetit

KËLCYRË - Tre nëpunës të zyrës së përkrahjes sociale, dy në Këlcyrë dhe një në Përmet, u arrestuan me akuzën "Shpërdorim detyre", ndërsa 5 persona, që kanë përfituar në mënyrë të paligjshme asistencë sociale për 6 vjet, ndiqen në gjendje të lirë, njoftoi sot policia e Përmetit në jug të vendit.

"Elidon Beqiri, 27 vjeç, me detyrë shef i Zyrës së Përkrahjes Sociale në Bashkinë Këlcyrë, Erald Ristani, 26 vjeç, me detyrë Shef i Zyrës së Punës në Përmet, Floresha Shahu, specialiste e zyrës së Përkrahjes Sociale në Bashkisë Këlcyrë, u arrestuan pas një hetimi disamujor", thuhet në komunikatën e policisë.

I njëjti burim theksoi se tre nëpunësit gjatë kryerjes së detyrës i kanë shkaktuar buxhetit të shtetit një dëm prej 2 milionë lekë. "Dy nga tre nëpunësit do të ndiqen penalisht në masë arrestit, ndërsa Floresha Shahu, specialiste e Zyrës së Përkrahjes Sociale, do të ndiqet në gjendjte të lirë, për shkak të gjendjes se saj shendetesore", tha policia. "Nga hetimet paraprake dyshohet se mbi 50 persona kanë përfituar në mënyrë të paligjshme asistencë sociale nga Bashkia Këlcyrë", beri te ditur policia lokale. /a.ke/

HermesNews - ©2013

Dërgo me email | Stampo artikullin