19/02/2013 13:43:25

François Hollande mbërrin në Greqi

Presidenti francez pritet të diskutojë mbi masat shtrenguese dhe krizën e shtetit grek

ATHINË - Presidenti francez, François Hollande mbërriti sot në Greqi për të sjellë mbështetjen e tij për këtë vend në krizë. Hollande, vizita e të cilit zhvillohet në prag të grevës së përgjithshme kundër masave të shtrëngimit ekonomik në Greqi, u prit rreth orës 09:30 GMT me nderime ushtarake në aeroportin ndërkombëtar të Athinës nga kryeministri Adonis Samaras. Ai pritet të zhvillojë bisedime me këtë të fundit në Pallatin Maximou, rezidencë e kreut të qeverisë në qendër të Athinës, para një konference të përbashkët shtypi. Presidenti francez do të zhvillojë takim me homologun e tij, Karolios Papulias si dhe me biznesmenë francezë.

HermesNews - ©2013

Dërgo me email | Stampo artikullin