14/02/2013 17:50:23

Reagim për opinion apo fakt ?

Unioni mund të përmendte dhe të argumente se cilat publikime kanë rënë në kundërshtim me etikën e mediave mbi publikimet e gjyqsorit apo me keq denigrimet e gjytarëve, sepse e kundërta pra debatimi i vendimeve sidomos kur ata janë publike (dhe janë gjithmonë) është për t'u inkurajuar, jo vetëm sepse i shërben fjalës së lirë, por është dhe ndërmjetes mes gjyqsorit dhe publikut dhe i lejon këtyre të fundit të kuptojë më mirë zinxhirin e gjatë dhe të komplikuar të ligjeve dhe rregullave gjyqsore. Më poshtë deklarata e plotë e Unionit...

TIRANE - Unioni i gjyqtarëve të Shqipërisë gjen rastin të informojë edhe njëherë opinionin publik se vendimet e gjykatave, kur përfundon shqyrtimi i tyre në të gjitha shkallët e gjykimit, mund të jenë objekt analize objektive, profesionale dhe të paanshme, veçanërisht nga njohës të së drejtës...nëse ky proçes zëvendësohet, fatalisht dhe në mënyrë populiste, në një fushatë denigrimi dhe përbaltje, kjo rrezikon të shkatërrojë në mënyrë të pakthyeshme shancet për ndërtimin e besimit të publikut tek drejtësia, pa të cilin aspirata për ndërtimin e konsolidimin e shtetit të së drejtës do të ishte iluzion. Gjithashtu kjo do të delegjitimonte punën e vështirë të gjyqtarëve, të cilët çdo ditë e më tepër po përballen me dhunën fizike e verbale të frymëzuar nga kjo klimë. Konsolidimi i sistemit të drejtësisë dhe rritja e besimit të publikut tek ai është një proces që kërkon vizion dhe gjithë përfshirje. Kjo nuk është vetëm përgjegjësi e gjyqësorit, por para së gjithash e politikës që duhet të gjejë vullnet në këtë drejtim.

Deklaratë për shtyp

Dërgo me email | Stampo artikullin