13/02/2013 21:07:11

Berisha me studentët: drejt Shqipërisë së zhvilluar

Gjatë një takimi me studentë dhe pedagogë të rinj në mjediset e fakultetit të Ekonomisë, Berisha tha se objektivi i qeverisë shqiptare është realizimi i projektit, Shqipëria një vend i zhvilluar

TIRANE - Kryeministri Berisha deklaroi të mërkurën se propozimet dhe mendimet e qytetarëve janë të rëndësishme për qeverinë. Gjatë një takimi me studentë dhe pedagogë të rinj në mjediset e fakultetit të Ekonomisë, Berisha tha se objektivi i qeverisë shqiptare është realizimi i projektit, Shqipëria një vend i zhvilluar. Kryeministri po ashtu komentoi edhe gjendjen e sistemit të drejtësisë në vendin tonë. "Nuk do të ndërpriten përpjekjet për t'a shndërruar në një intitucion të konsoliduar", deklaroi Berisha. Drejtësia, sipas tij, ka meritën e madhe se në një shkallë shumë të gjerë është shkëputur nga politika. Më tej, ai u ndal edhe në një ndër çështjet politike të vendit që ka të bëjë me qëndrimin e opozitës për mos votimin e tre ligjeve, për të cilat, tha se ky qëndrim dëmtoi vokacionin perëndimor të shqiptarëve.

HermesNews - ©2013

Dërgo me email | Stampo artikullin