07/02/2013 11:42:17

Greqi, ulje drastike e të ardhurave në buxhet për muajin Janar

Të ardhurat janë ulur shtatë për qind krahasuar me objektivin e paracaktuar dhe 16 për qind në krahasim me të nëjjtën periudhë të vitit të kaluar

ATHINË - Alarm i kuq në Ministrinë greke të financave për uljen e të ardhurave gjatë muajit Janar, njoftuan burime të ndryshme. Sipas të dhënave të bëra publike nga ky dikaster, të ardhurat janë ulur shtatë për qind krahasuar me objektivin e paracaktuar dhe 16 për qind në krahasim me të nëjjtën periudhë të vitit të kaluar.

Vrima e zezë në bilancin e janarit, thënë ndryshe 305 milionë euro më pak, ka ardhur si rezultat i uljes së të ardhurave nga TVSH-ja në masën 15 për qind. Kjo do të jetë situata që do të gjejë trojka (FMN-BE-BQE - shën. përkth.) kur të vizitojë vendin ballkanik në fund të këtij muaji.

HermesNews - ©2013

Dërgo me email | Stampo artikullin