07/02/2013 10:06:29

INSTAT: rriten çmimet e ushqimeve

INSTAT njofton se në Janar, Indeksi i çmimeve të Konsumit (ICK) u ul me 0.8% për grupin veshje dhe këpucë

TIRANE - Në muajin Janar ndërsa u rritën çmimet për prodhimet ushqimore në përgjithësi, u vu re ulje e tyre në disa grupe, çka dëshmon rënie të interesit konsumator. INSTAT njofton se në Janar, Indeksi i Çmimeve të Konsumit (ICK) u ul me 0.8% për grupin Veshje dhe këpucë.

Tregu i transportit shënoi gjithashtu ulje të lehtë me 0.6% të çmimeve në muajin janar, ku ndikim kryesor dhanë çmimet e karburanteve. Brenda këtij grupi çmimi i naftës shënoi uljen 1.6% dhe i benzinës, 0.8%.

Ndryshe nga këto dy grupe, në Janar u rritën çmimet për ujin e pijshëm dhe lëndët djegëse për ngrohje, si drutë dhe gazi. INSTAT njoftoi se Indeksi i grupit "Qera, ujë, lëndë djegëse dhe energji" u rrit me 0.1%, ku ndikim kryesor dha rritja e çmimit të ujit të pijshëm me 1.2% dhe lëndëve djegëse me 0.2%.

HermesNews - ©2013

Dërgo me email | Stampo artikullin