05/02/2013 10:27:13

Princi Leka kërkon pronat ish Mbretit Zog

Padia pranohet nga Gjykata e Tiranës

TIRANE - Leka Zogu II, do të kërkojë kthimin dhe kompensimin e dy pasurive të familjes së tij, një prej të cilave është Pallati i Brigadave. Me pretendimin se janë pronë e gjyshit të tij, Mbretit Zog, dhe se deri tani e ka pasur të pamundur ta kërkojë këtë të drejtë, Leka Zogu II i është drejtuar Gjykatës në janar 2013. Pak ditë më parë togat e zeza kanë pranuar kërkesën e princ Lekës për rivendosje në afat të kërkesës së tij drejt Agjencisë e Kthimit dhe Kompensimit të Pronave për këto prona. Sipas vendimit të Gjykatës, pronat në fjalë janë dy pasuri të paluajtshme, të njohura si Pallati i Princeshave, sot Biblioteka e Librit të Huaj, si dhe Pallati Mbretëror, sot Pallati i Brigadave.

HermesNews - ©2013

Dërgo me email | Stampo artikullin