02/02/2013 12:15:45

Gjermani/ Berisha në konferencë për sigurinë

Kryeministri komenton në Facebook temat e diskutimit në Konferencën e 49 për Sigurine në Mynih

MYNIH - Nga Mynihu i Gjermanisë, nëpërmjet profilit të tij në Facebook, Kryeministri Sali Berisha, pjesmarrës në Konferencën e 49 për Sigurine në Mynih, ka bërë të ditur temat dhe diskutimet duke theksuar se "debati, por dhe diskutimet me zyrtare dhe eksperte te shquar, ishin shume vleresuese dhe inkurajuese për ekonominë tonë".

"Në Mynih, në Konferencën e 49 për Sigurinë, cështja e parë që u debatua ishte kriza ekonomike e Eurozonës. Ministri i Financave të Gjermanisë theksoi se borxhet publike mbi dyfishin e GDP-së janë problematike. Z. Schauble u shpreh me optimizëm për zhvillimet në vazhdim dhe theksoi se duhet të bëjmë më shumë për kompetitivitetin. Debati, por dhe diskutimet me zyrtarë dhe ekspertë të shquar, ishin shumë vlerësuese dhe inkurajuese për ekonominë tonë”, bën të ditur Berisha.

Ai nënvizon se "bazuar në sa më sipër del se borxhi i Shqipërise prej 60% te GDP-se është jashtë cdo problemi serioz. Sikundër, vendimet e fundit të qeverisë si heqja e TVSH për makinerite, heqja e tatimit mbi të ardhurat personale dhe përdorimi i dividentit për krijimin e kompanive të biznesit social, janë reformat më të rendësishme që do të bëjnë shumë me konkurruese ekonominë tonë, do të nxisin investimet direkte, rritjen ekonomike dhe krijimin e vendeve të reja të punës”.

Kryeministri bën të ditur më tej se "seanca e dytë e Konferencës së 49 për Sigurinë në Mynih pati si temë kryesore "Energjia dhe siguria". Nga panelistët, zyrtarë të niveleve më të larta për cështje të energjisë nga SHBA, BE, Rusia etj, u diskutua mbi rëndësinë e madhe të nxitjes së prodhimit të energjisë duke shfrytëzuar burimet ujore, erën, diellin si dhe domosdoshmërinë e sigurimit të burimeve të reja energjitike për Europën, ndër të cilat edhe TAP, projekt që për ne është një fat i vërtetë”, bën të ditur Berisha.

Ai deklaron se “nga debati, por dhe nga diskutimet me pjesëmarres, rezulton se Shqiperia, me politikën tonë të shndërrimit të saj në një supërfuqi të energjisë së rinovueshme në rajon dhe në një qëndër të fuqishme të shpërndarjes së gazit të TAP në të ardhmen, do të ketë një rol nevralgjik për energjinë në rajon.

Konferenca e Mynihut është një event i përvitshëm me rëndësi globale në fushën e politikës së sigurise.

HermesNews - ©2013

Dërgo me email | Stampo artikullin