25/01/2013 10:00:10

Partitë kërkojnë marëveshje dypalëshe me PS-në

Pas 1 orë e 20 minuta diskutimesh e propozimesh, duket se aleatët kërkojnë të kenë marrëdhënie dypalëshe dhe jo kolektive me PS-në

TIRANE - Partia Socialiste do të nënshkruajë marrëveshje dypalëshe me secilën prej partive të koalicionit që pritet të krijohet para zgjedhjeve të 23 Qershorit. Pas 1 orë e 20 minuta diskutimesh e propozimesh, duket se aleatët kërkojnë të kenë marrëdhënie dypalëshe dhe jo kolektive me PS-në. Që në fillim të tryezës së aleatëve, sekretari socialist për koalicionet, Ndre Legisi ka informuar se numri i partive që i janë afruar koalicionit të PS-së është rritur dhe pritet të shtohet ende. Ndërkaq në fund të takimit kreu i PSV 91, Petro Koçi, tha se, "boshti i këtij koalicioni do të jetë rikthimi i politikës tek ndërgjegjja kombëtare që kërkojnë qytetarët. “Duke përputhur forcën organizative me numrin e nevojshëm të partive në koalicion, nevoja e qytetarëve për ndryshim do të realizohet”.

HermesNews - ©2013

Dërgo me email | Stampo artikullin