25/01/2013 06:02:43

Tregtia me vendet e BE-së rritet me 66,3 përqind

INSTAT: tregtia me Italinë në dhjetor arriti në 40.2% dhe me Greqinë 7%

TIRANE - Në muajin Dhjetor 2012 tregtia me vendet e BE-së zuri 66.3%, ku ndonëse partnerët kryesorë tregtarë vijuan të jenë Italia dhe Greqia, vihet re përhapje gjeografike e shkëmbimeve tregtare në eksport dhe import të mallrave. Sipas INSTAT, tregtia me Italinë në dhjetor arriti në 40.2% dhe me Greqinë 7%.

Eksportet në dhjetor u rritën drejt tregjeve të Greqisë, Italisë, Kroacisë, Rusisë, Turqisë, etj. Disa nga partnerët tanë tregtarë me të cilët importet u rritën në dhjetor 2012 janë Gjermania, Greqia, Italia, Kina, Turqia, etj. Krahasimi me muajin Nëntor 2012 tregon se në dhjetor u rritën eksportet e grupit "Prodhime druri dhe letre" me 3.7%, ndërsa u ulën ato për grupet "Lëkurë dhe artikujt prej tyre" me 42.9%, "Makineri, pajisje dhe pjesë këmbimi" me 31.4%, "Ushqime, pije, duhan" me 24.3%, etj.

Në dhjetor u rritën importet e grupit "Prodhime druri dhe letre" me 22.8%, "Ushqime, pije, duhan" 11.7%, për "Lëkurë dhe artikujt prej tyre" 5.2%, etj. Ndryshe këtyre grupeve, në dhjetor 2012 ulje pësuan importet e grupit "Minerale, lëndë djegëse, energji elektrike" me 6.1%./s.s./

HermesNews - ©2013

Dërgo me email | Stampo artikullin