23/01/2013 17:05:45

Ndërron jetë Paulin Selimi 'babai i humorit'

Lajm i minutave të fundit

SHKODER - Vdes në moshën 65 vjeçare "babai" i humorit shqiptar, shkrimtari Paulin Selimi. Ai ndërroi jetë sot në qytetin e tij të lindjes (Shkodër), pas një sëmundjeje. Paulin Selimi është autor i shumë librave, por kryesisht i skeçeve dhe pjesëve humoristike me Estradën e Shkodrës. Pena e tij do të kujtohet gjithmonë si një prej perlave të humorit shqiptar e sidomos atij shkodran. Paulin Selimi do të kujtohet nga brezat të tërë nxënësish dhe sidomos nga publiku shqiptar, për humorin e tij të rafinuar i cili përçon emocione dhe sot. Me emrin e tij identifikohet përherë kultura dhe origjinaliteti i humorit shkodran.

HermesNews - ©2013

Dërgo me email | Stampo artikullin