17/01/2013 11:50:52

Kreu i PD-së mund drejtojë fushatën në Tiranë

Kryeministri do të kërkojë mendime nga të zgjedhurit në bazë, për kandidaturat e mundshme, që do të miratohen në listën përfundimtare që do të shpallet në fillim të muajit Maj

TIRANE - Berisha mbledh sot në selinë blu të gjithë krerët dhe drejtuesit e grup-seksioneve të partisë së tij për kryeqytetin me qëllim dhënien e porosive dhe ringritjen e grupeve në çdo zonë të rrethit të Tiranës, për zgjedhjet e 23 Qershorit. Sipas demokratëve, Berisha mund ta drejtojë vete dhe jo ministrja Majlinda Bregu, fushatën që do të zhvillohet në Kryeqytet dhe zonat përreth. Kreu i PD-së, Berisha, do të ketë përveç kryetarit të Bashkisë së Tiranës, Bashës, mbështetjen e Kryetarit të PD-së, ministrit Aldo Bumçi dhe Ministres së Integrimit, Majlinda Bregu, e cila në zgjedhjet e 2009-s kishte drejtimin e fushatës në Tiranë dhe koordinatore e fushatës për gjithë qarqet. Pritet që sot Kryeministri të kërkojë dhe mendime nga të zgjedhurit në bazë, për kandidaturat e mundshme, që do të miratohen në listën përfundimtare që do të shpallet në fillim të muajit maj. Ditën e shtunë Kryeministri dhe numri një i PD-së, Berisha, do të udhëtojë drejt Beratit ku do të zhvillojë takime me elektoratin dhe strukturat e partisë në këtë qytet në kuadër të 22-vjetorit të krijimit të degës së demokratëve në Berat.

HermesNews - ©2013

Dërgo me email | Stampo artikullin