16/01/2013 12:16:36

Gjyqtarja sulmohet me lende plasese: nisin hetimet

ipas dëshmitarëve nga vendi i ngjarjes, ngjarja ka ndodhur mëngjesin e sotëm, teksa gjyqtarja po dilte nga banesa e saj

VLORË - Një person, ende i paidentifikuar, ka dëmtuar sot në mëngjes me një substancë kimike, gjyqtaren e Gjykatës së Shkallës së Parë në Vlorë, Mirela Mishgjoni. Sipas dëshmitarëve nga vendi i ngjarjes, ngjarja ka ndodhur mëngjesin e sotëm, teksa gjyqtarja po dilte nga banesa e saj, dhe një person i panjohur i është afruar dhe i ka hedhur në fytyrë një sasi substance kimike,e dyshuar acid. Aktualisht, Mishgjoni ndodhet në spitalin rajonal të Vlorës, në kujdesin e bluzave të bardha. Mjekët e spitalit rajonal të Vlorës pohojnë për gazetarin e ATSH-së se gjyqtarja Mishgjoni ka marrë dëmtime në pjesën e fytyrës dhe në njërin sy. Menjehërë pas kësaj ngjarjeje, Policia, e cila pritet në një dalje për mediat, ka nisur hetimet për zbardhjen dhe kapjen e autorit të krimit.

HermesNews - ©2013

Dërgo me email | Stampo artikullin