14/01/2013 08:02:03

Në kërkim ndërkombëtar djali i shefit të SHISH-it: policia jep pistat

Djali i Shefit të SHISH-it është shpallur në kërkim që prej 45 ditësh

TIRANË - Shpallet në kërkim ndërkombëtar 10 vjeçari i humbur Julian Çela. Djali i nëndrejtorit të antiterrorit në SHISH u shpall në Tiranë prej 45 ditësh i humbur, ndërsa kërkimet vazhdojnë në çdo cep të vendit. Interpoli ka publikuar foton e tij së bashku me të dhënat. Policia sekuestroi kamerat e sigurisë të 80 bizneseve në kryeqytet.

Policia ka filluar të dyshojë se Julian Çela mund të jetë jashtë Tiranës dhe kontrollet duhet të shtrihen edhe në qytetet e tjera të vendit. Pista e hetimeve të policisë është përqendruar tek largimi me dëshirë i Julianit, i cili mund të jetë bërë pjesë e ndonjë grupi adoleshentësh që grabisin qytetarët apo banesat.

Personi me të cilin është parë për herë të fundit Julian Çela është Gëzim P., i cili dyshohet se rekruton adoleshentë brenda grupit të tij për t’i bërë pjesë të grabitjeve apo vjedhjeve në kryeqytet.

HermesNews - ©2013

Dërgo me email | Stampo artikullin