11/01/2013 08:54:46

Kreu i PD-së fillon betejen psikologjike të zgjedhjeve

Berisha, aleatet i kemi ne

TIRANE - Kryetari i Partisë Demokratike po zhvillon në ambiente te selisë së saj mbledhjen e kryesisë, në fokus të së cilës do të jetë fushata elektorale e zgjedhjeve të përgjithshme parlamentare të 23 qershorit. Kreu i PD-së, ka folur për zgjedhje të lira dhe të ndershme.

Ai vlerësoi koalicionin qeverisës, si më të fuqishmin në historinë e vendit, dhe ironizoi ftesën e kryetarit të PS-së për bashkim me LSI-në e FRD-në.

Veç aleatëve tradicionalë të PD-së, Berisha tha se po zhvillohen negociata me parti të tjera në vend, të spektrit të djathtë e të majtë. Sipas kryeministrit, nuk ekziston mundësia e një koalicioni mes PS-së e LSI-së, ndërsa aludoi se Fryma e Re Demokratike është aleati i vetëm që u ka mbetur socialistëve.

Kryeministri tha se "bashkimi kombëtar duhet të kthehet në ideal të shqiptarëve, pasi vetëm në këtë mënyrë mund të arrijë të realizohet. Unë ftoj shqiptarët të vendosin besimin tek bashkimi kombëtar, fill pas besimit tek zoti..sepse ata që i besojnë një ideali e ndërtojnë atë çdo minutë çdo orë, çdo ditë deri në finalizimin e qëllimit, realizimin e tij”, tha shefi i qeverisë.

HermesNews - ©2013

Dërgo me email | Stampo artikullin