10/01/2013 09:42:47

577 pronarë do të kompensohen

Sipas ndryshimeve ligjore për marrjen e kësteve në vijimësi subjekti përfitues nuk duhet të paraqesë kërkesë të re për përfitim

TIRANE - Qeveria shqiptare ka miratuar fondin prej 9 miliard e 860 milionë e 481 mijë e 867 lekë të vjetra për kompensimin e ish-pronarëve tokat e të cilëve janë zënë prej ndërtimeve informate. Numri i pronarëve dhe trashëgimtarëve që fitojnë nga ky vendim është 4577. Ndryshimi është bërë në kuadër të ligjit për përcaktimin e proçedurave të shpërndarjes së fondit të kompensimit. Agjencia e kthimit dhe kompensimit të pronave, brenda 5 ditëve nga miratimi i kërkesës dhe listës së subjekteve që kompensohen, kryen veprimet me degën e thesarit dhe bankën e nivelit të dytë për derdhjen e shumës në depozitën bankare të përfituesit, e cila duhet të jetë e hapur për këtë qëllim nga subjekti përfitues. Llogaria bankare duhet të jetë në përputhje me procedurat e përcaktuara në legjislacionin në fuqi për kryerjen e pagesave nga buxheti i shtetit.

HermesNews - ©2013

Dërgo me email | Stampo artikullin