08/01/2013 17:09:02

Vrasësi i Shefit të policisë së Shijakut Tahiraj përballet me akuzat

Çështja ndaj te pandehurit Ilir Xhakja, person me precedentë te meparshëm penal, u hetua nga Prokuroria e Krimeve të Rënda

TIRANË - Gjykata e Krimeve të Rënda do të nisë së shpejti proçesin gjyqësor ndaj shtetasit Ilir Xhakja, i akuzuar si autor i vrasjes së Shefit të Policisë së Shijakut, Adem Tahiraj, vitin e kaluar në afersi të Durrësit.

Siç bënë të ditur sot burime zyrtare nga Gjykata e Krimeve të Rënda, çështja në ngarkim të të pandehurit Ilir Xhakja, do të shqyrtohet nga një trup gjykues, që ka për drejtues gjyqtarin Bardhyl Dhama.

Ndërkohë që seanca e parë për këtë çështje pritet të zhvillohet me datën 18 Janar. Shtetasi Ilir Xhakja, i arrestuar, akuzohet se është autori i vrasjes me armë zjarri të Kryekomisarit Adem Tahiraj, në 13 shtator të vitit të kaluar në afërsi të Durrësit.

Ndaj tij, rëndojnë disa akuza ndër to, e “vrasjes me dashje” për shkak të detyrës së efektivit të Policisë së Shtetit. Çështja ndaj te pandehurit Ilir Xhakja, person me precedentë te meparshëm penal, u hetua nga Prokuroria e Krimeve të Rënda.

HermesNews - ©2013

Dërgo me email | Stampo artikullin