08/01/2013 10:49:06

FRD dhe LSI lënë 'një derë hapur' me socialistët shqiptarë

Forcat politike përqëndrohen në alternativat që duan t'i japin qytetarëve dhe votat e elektoratit. Koalicioni me PS-në në 'kohën e duhur' ?

TIRANE - Një ditë pas ftesës publike të kryesocialistit Edi Rama, gjatë konferencës së tij në Twitter, krerët e FRD-së dhe LSI-së nuk kanë dhënë ende një "po" direkte për koalicion, duke preferuar "tonet diplomatike".

Nga Kruja, kreu i FRD-së, Bamir Topi tha se partia që ai drejton "...do të bëjë koalicion për zgjedhjet e viti 2013 mbi bazën e vlerave dhe parimeve."

Për Topin, çështja kombëtare është përparësi... se bashku me ekonominë dhe mirëqënien e qytetarëve.

Kreu i LSI-së, Ilir Meta duke folur gjatë mbledhjes së parë të kryesisë së LSI-së tha se është i vendosur "...për të mos u bërë palë me askënd dhe kundër kurrkujt, të çdo lloj konflikti absurd dhe politik, por për të qenë gjithmonë një alternativë me kërkesa më të larta ndaj vetes dhe njëkohësisht, me kërkesa më të larta për perspektivën e vendit dhe të mbarë qytetarëve tanë".

"Ne do të jemi të angazhuar për të rritur standardet e komunikimit publik dhe politik, si dhe për ta orientuar politikën drejt zgjidhjes së problemeve dhe jo drejt krijimit të problemeve të reja”, u shpreh Meta duke uruar dhe anëtarët më të rinj të Konventës.

HermesNews - ©2013

Dërgo me email | Stampo artikullin