07/01/2013 11:43:49

Pesë familje nxirren nga shtëpitë

Shteti, 16 milion lekë për shtëpitë që do të lënë

TIRANË - Pesë familje tek rruga Tefta Tashko do të dalin në rrugë. Sipas ligjit godina dykatëshe do t’ju kthehet ish-pronarëve. Familjet, sipas Aktit normativ duhet të lënë menjëherë ambientet e banesës dykatëshe e ndërtuar në vitit ’50, akt ky që mbështetet edhe nga një vendim i Gjykatës së Tiranës. Përmbarimi ka nisur proçedurat për lirimin e banesave. Një familjare kërkon që shteti ta quajë bashkëpronare meqë jeton që prej 70 vitesh në banesë. Sipas zonjës, nuk mund të përfitojë as kredi dhe as banesë sociale. “...nuk mund të marr kredi dhe as banesë sociale. Një pensionist nuk mund të marrë kredi...jam në proces gjyqësor për këtë punë”, rrëfen ajo. “Kredia e tyre nuk ekziston, nuk më jep kredi sa për të blerë shtëpi më jep vetëm 16 milionë, me aq sa më jep kredia as një dhomë nuk blej dot. Flasin gjithë ditën për popullin por e vërteta është se shteti e ka nxjerrë këtë popull në rrugë”, shton ajo. E njëjta situatë ndodhi me 12 familje të akomoduara në ish-çerdhen nr.36, tek ish-Fusha e Zezë.

HermesNews - ©2013

Dërgo me email | Stampo artikullin