07/01/2013 06:25:26

Edi Rama, konferencë në Twitter

'Jemi angazhuar për uljen e taksës mbi energjinnë në 6%. Por fillimisht duhet të ristrukturojmë sektorin'

TIRANË - Kryesocialisti Edi Rama ka zgjedhur që konferencën e parë për shtyp të vitit 2013 ta zhvillojë në rrjetin social Twitter, ku ai është shumë aktiv. Gazetarë dhe qytetarë të shumtë i kanë drejtuar një mori pyetjesh kryesocialistit lidhur me çështje të ndryshme, ndër të cilat zgjedhjet e Qershorit të këtij viti, koalicionet e mundshme, reformat ekonomike, etj. Interesimit të qytetarëve mbi programin qeverisës të PS, Rama i është përgjigjur se “programi ynë për një Rilindje Shqiptare do të jetë plani më i detajuar qeverisës që një parti ka pasur para zgjedhjeve në këto 22 vite”. I pyetur për subvencionimin e energjisë elektrike për personat me aftësi të kufizuara, Rama është përgjigjur “jemi angazhuar për uljen e taksës mbi energjinë në 6%. Por fillimisht duhet të ristrukturojmë sektorin. E jo disa paguajnë disa jo !”

HermesNews - ©2013

Dërgo me email | Stampo artikullin