03/01/2013 12:58:16

213 milione per kanalizimet

Ky fond është pjesë e buxhetit të brendshëm të ndëmarrjes dhe se projektet e vitit 2013 do të zbatohen në fshatrat e disa komunave dhe bashkive periferike

DURRES - Tetë projekte me vlerë të përgjthshme 213 milion leke do të zbatohen gjatë viti 2013 për përmirsimin e furnizimit me ujë të pijshëm në rrethin e Durrësit. Ndërkohe, në mesin e muajit shkurt të këtij viti pritet të përfundojë realizimi i katër projekteve të tjera, në sistemin e ujësjellës kanalizimeve të qytetit dhe fshatrave pranë tij.

Drejtori i Ujësjellës-Kanalizime sha, Doklead Ademi, tha se ky fond është pjesë e buxhetit të brendshëm të ndëmarrjes dhe se projektet e vitit 2013 do të zbatohen në fshatrat e disa komunave dhe bashkive periferike, si dhe në territorin e bashkisë së Durrësit. Sipas drejtorit Ademi, gjatë vitit në vazhdim projekti kryesor është parashikuar të zbatohet në lagjen periferike të Shkozetit.

"Financimi i këtij projekti arrin në 40 milion leke dhe në përfundim të tij zona e Shkozetit do të ketë 24 orë ujë të pijshëm në ditë, tha ai, duke shtuar se, projekte të tilla janë përgatitur edhe për komunën e Maminasit, Katundit të Ri dhe në disa fshatra të komunës Xhafzotaj. Po ashtu, zgjidhje të pjesësshme do të ketë edhe në fshatrat e bashkivë të Sukthit dhe të Manzës.

Drejtori i Ujesjellës- Kanalizime tha se që prej disa javësh po punohet për realizimin e katër projekteve me vlerë të përgjithshme afro 80 milion leke, investime të Fondit të Zhvillimit të Rajoneve. "Nga projekti me vlerë 31.5 milion leke, më i rëndësishmi prej tyre, do të përfitojë zona e Spitallës, në veri të qytetit bregdetar, e cila do të ketë përmiresime të ndjeshme në furnizimin me ujë, tha drejtori Ademi.

Qarku i Durrësit ka një popullsi prej afro 400 mijë banorë dhe qeveria shqiptare po vazhdon të investojë në sistemin e ujësjellës- kanalizimeve, veçanërisht në zonat turistike bregdetare.

HermesNews - ©2013

Dërgo me email | Stampo artikullin