01/01/2013 16:30:50

Ndërrimi i viteve në Tiranë

Fishekzjarre të panumërta kanë ndricuar të gjithë gjeografinë e Tiranës, ndërsa festimet për ardhjen e vitit të ri 2013 janë përqëndruar në sheshin Skëndërbej

TIRANE - Tirana ka festuar deri në orët e para të mëngjesit të 1 Janarit festën e ndërrimit të viteve. Fishekzjarre të panumërta kanë ndricuar të gjithë gjeografinë e Tiranës, ndërsa festimet për ardhjen e vitit të ri 2013 janë përqëndruar në sheshin Skëndërbej. Ambiente luksoze të Tiranës dhe shumë lokale e restorante të tjera nga periferia në qendër kanë ofruar shërbim Non Stop gjatë gjithë natës për ata klientë të cilët kanë preferuar të kalojnë natën e Vitit t Ri jashtë shtëpisë. Më e populluar ka qënë zona e Bllokut, një nga më të prefruarat e rinisë së kryeqytetit, ku lokalet e kësaj zone kanë qënë tejet të mbushura jo vetëm nga të rinj. Shumë e familjarë kanë qëndruar në shtëpitë e tyre nën shoqërinë e ekranit të vogël, i cili ndonëse alterantiv dhe i shpërndarë në disa stacione televizive private ishte munduar t'i argëtonte shqiptaret.

HermesNews - ©2012

Dërgo me email | Stampo artikullin