31/10/2014 12:18:32

MAS do të rishikojë librat jashtëshkollorë

MAS do të mbrojë proçesin nga çdo ndërhyrje, si nga administrata ashtu edhe nga politika

TIRANE - Ministria e Arsimit dhe Sportit do të vazhdojë të inspektojë bibliotekat e fondit të përdorur në çdo shkollë në vitet e shkuara dhe fton shtëpitë botuese, autorët, aktorët dhe grupet e interesit në diskutim publik. Këshilltari për median dhe Komunikimin në MAS, Gjergji Hamiti reagoi sot në lidhje me librat jashtëshkollorë duke thënë se, "MAS vlerëson se, mbi procesin e përzgjedhjes së librave jashtëshkollorë shumëçka është produkt i paragjykimeve të së kaluarës, qoftë ky produkt nga disa media, shtëpi botuese, apo edhe nga të tjera grupe interesi, të pakujdesshëm për vërtetësinë e informacionit". MAS do të rishikojë proçedurat dhe mekanizmat për ta bërë këtë proces sa më transparent dhe gjithëpërfshirës. MAS do të mbrojë proçesin nga çdo ndërhyrje, si nga administrata ashtu edhe nga politika.”Duke konstatuar mungesën e dakordsisë nga subjektet e tjera të përfshira në këtë proces, të cilat me keqinformim tentuan të ndikojnë në opinion publik, Ministrja e Arsimit, vendosi që fondi prej 35 milionë lekë i parashikuar për pasurimin e bibliotekave të shkollave të alokohet në fondin për investim në infrastrukturën shkollore dhe, veçanërisht, për rikonstruktimin e atyre shkollave që janë në vështirësi”, deklaroi Gjergji Hamiti.

HermesNews - ©2014

Dërgo me email | Stampo artikullin