30/10/2014 12:36:09

Austriakët festojnë në Shkodër

Inaugurohet busti i ish ministrit të jashtëm austriak Leopold Berchtold

SHKODER - "Qeveria Austriake do të vazhdojë të ndihmojë me investime për zhvillimin e gjithanshëm të qytetit dhe rajonit të Shkodrës", kështu ka deklaruar konsulli i nderit i austrisë në Shkodër, Gjergj Leqejza, në ceremoninë e organizuar për ditën e Austrisë.

Sipas tij, mbështetja do të konsistiojë në fushat kryesore, si ekonomi, kulturë, arsim, shëndetësi etj. Këtë deklaratë, Leqejza e ka bërë gjatë pritjes së organizuar mbrëmë në amabientet e hotel “ Rozafa”, për nder të festës kombëtare të Austrisë.

Në këtë ceremoni, përveç përfaqësuesve kryesorë të pushtetit lokal, institucioneve vëndore dhe bizesmenëve të sektorëve të ndryshëm të ekonomisë zonale, ishin të ftuar dhe ambasadori i austrisë në Shqipëri, Tomas Schnoell, përfaqësues të selive diplomatike, pedagogë të huaj, investitorë austriakë që operojnë në Shkodër, etj.

Mes Shkodrës dhe Austrisë ka një lidhje të vjetër shekullore, që tashmë po konkretizohet me një bashkëpunim të mirë në disa fusha të rëndësishme sociale e ekonomike. Qeveria austriake, që herët është e pranishme në Shkodër me projekte ambicioze, ku vlen të përmëndet ai i rehabilitimit të rrjetit të ujësjellësi- kanalizimeve që ka nisur që nga viti 1995.

Falë këtij investimi, ky qytet dhe fshatrat rreth tij, furnizohen me ujë të pishëm për gjatë 24 orëve. Sipas konsullit austrik të nderit në Shkodër, Gjergj Leqejza, aktualisht po i kushtohet një vëmëndje e veçantë, financimeve në sektorin shëndetësisë dhe arsimit profesional, brënda dhe jashtë qytetit të Shkodrës.

Më herët në lulishten para bashkisë së qytetit të Shkodrës, u përurua busti i ministrit të jashtëm austrohungarez të kohës së pavarsisë, Kontit Leopold Berchtold. Ideatori dhe zbatuesi i ngjarjeve të rëndësishme në vitet 1912-1913, që do të çonin më pas në lindjen e shtetit shqiptar.

Leka Plani

Dërgo me email | Stampo artikullin