27/09/2014 18:57:07

Dhjetë këshilla Feng Shui

Art antik i arredimit. Si të ndjehemi mirë në shtëpi dhe në punë. Rregulla bazë estetike dhe mirëqënieje

HermesNews - Feng Shui është një art antik taoist, që vjen nga Kina. Arkitekturë e ndërthurur me elementë të astrologjisë dhe psiqikës njerëzore.

Shumëkush bazohet tek ky art për të zgjedhur mobiljet, hapësirën, arredimin e brendshëm dhe të jashtëm të shtëpisë. Feng Shui bazohet tek dy shtylla "era" dhe "uji", që sipas kulturës kineze, janë shëndeti, lumturia, paqja dhe prosperiteti.

Parimet Feng Shui mbajnë parasysh fushat magnetike dhe fluksin e energjisë në dispozicion të arredimit. Cdo zgjedhje bëhet me qëllim përgatitjen e ambjenteve të ngrohta që dinë të nxjerrin në pah mirëqënien e atij që banon.

Të zgjedhësh t'a arredosh shtëpinë tënde me vetëdije, duke zgjedhur principet dhe këshillat e Feng Shui, lejon që të kalosh kohën në ambjente të mira, të rehatshme dhe me rregull, të gatshme për të pritur miq ose për të punuar. Feng Shui mund të aplikohet dhe në punë nëpër zyra. Ja disa rregulla:

Rregull
Në Feng Shui rregulli/pastërtia është bazë për arredim. Para se të fillosh të spostosh një divan apo një pasqyrë, është mirë që të lirohesh nga gjithçka që është e tepërt. Akumulimi i orendive të papërdorshme, sipas Feng Shui, pengon fluksin e energjive pozitive dhe mund të krijojë situata që nuk janë në gjëndje të flutuojnë duke krijuar negativitet në mirëqënien e jetës shtëpiake.

Prandaj është e nevojshme të fillosh të vësh rregull çdo ditë në shtëpinë tënde dhe të lirohesh nga çdo gjë e tepërt, në një mënyrë që të mos e dëmtosh ambjentin, psh duke i shkëmbyer me gjëra që mund t'ju nevojiten. Mos mblidhni dhe ndiqni një parim të thjeshtë, mjafton ajo që ju duhet, të tjerat janë të tepërta.

Ngjyrat
Mund t'i lyeni vetë muret e dhomave të shtëpisë, prandaj duhet të zgjidhni me kujdes ngjyrat që preferoni. Zgjedhja nuk duhet të jetë e rastësishme dhe duhet të jetë e përshtatshme për çdo ambjent. Salloni mund të jetë i kuq ose portokalli për të stimuluar bisedat në familje ose mes miqve. Blu dhe e gjelbërta në dhomat e gjumit favorizojnë relaksin dhe gjumin ndrësa ngjyra rozë stimulon romanticizmin dhe pasionin. E verdha në kuzhinë stimulon oreksin dhe jep energji që nga fillimi i ditës, pra nga ngrënia e mëngjesit.

Divani dhe shtrati
Vendosja e mobiliejeve është një prej parimeve më të rëndësishme të Feng Shui. Në sallon divani duhet të jetë i pozicionuar në atë mënyrë që të shikojë nga dera e hyrjes. Kush do të hyjë në shtëpi do të ketë ndjesinë se është i mirëpritur.

Duhet të ketë afër mureve, për të patur një ndjesi sigurije. Shtrati për të krijuar një situatë më të madhe relaksi, duhet të pozicionohet në atë mënyrë që të mos ndodhet drejtpërdrejt para portës. Porta duhet të jetë larg shikimit kur flihet.

Pasqyrat
Pasqyrat mund të pengojnë flutumin e energjive prandaj nuk duhet të ketë pasqyra në dhomën e gjumit sepse pengojnë gjumin. Një sugjerim është vendosja e pasqyrës në dyert e brendshme të rafteve të rrobave ose jashtë dhomës së gjumit.

Dritaret
Dritaret duhet të jenë shumë të mëdhe për të shfrytëzuar në mënyrë optimale dritën natyrale për të ndriçuar hapësirat e brendshme të shtëpisë gjatë ditës. Vëmendje e veçantë i duhet kushtuar dritareve që janë në një rrugë të trafikuar nga makinat, zhurma e të cilave nuk duhet të na shqetësojë. Feng Shui këshillon perde të trasha me ngjyrë të çelet, që nuk pengojnë dritën.

Kuzhina
Duhet të jetë e gjatë mikpritëse dhe e rregullt. Dera nuk duhet të jetë kurrë e pozicionuar në mënyrë që të ndodhet në kurriz të kuzhinës, në mënyrë që të favorizojë një ndjesi qetësie teksa përgatit në zjarr ushqimin. Kuzhina duhet të jetë e mbajtur pastër gjithmonë, për të favorizuar bollshmëri dhe mirëqënie. Furra nuk duhet të jetë afër frigoriferit. Kujdes sidomos tavolinave jo rrethore.

Materialet
Për arredimin e shtëpisë Feng Shui sugjerimi është zgjedhja e materialeve sa më shumë natyrale, si druri, guri metali. Evitoni materialet plastike. Dyshemeje dhe dritaret me dru lejojnë një lidhje, nga pikëpamja vizive, mes mabjenteve natyrale të jashtme dhe shtëpisë.

Tualeti
Sipas Feng Shui, dhoma e banjos mund të jetë kudo, por kurrsesi afër kuzhinës. Në banjo duhet gjithmonë një dritare.

Shkallët dhe ashensorë
Shkallët brenda shtëpisë duhet të jenë në harmoni dhe jo shumë të larta gjithashtu të ndërtuara me materiale natyrale. Në rastin e zyrës një vëmendje të veçantë i duhet kushtuar pozicionit të shkallëve para ashensorit. Zyra nuk duhet të jetë përballë ashensorit.

Kopështi
Kopështi duhet të jetë gjithmonë i sistemuar dhe i mbajtur me rregull. Dhe bimët duhet të marrin kujdes për të evituar ndjesinë e një vendi të parregullt. Bimët pak të kuruara pengojnë fluksin e energjive pozitive, duke favorizuar kështu emocione negative. Kujdesi ndaj serës është një terapi e mirëfilltë për trurin dhe mirëqënien e brendshme të njeriut.

HermesNews - ©2014

Dërgo me email | Stampo artikullin