02/06/2014 14:54:34

Elizabeth Ivezaj per Miss USA

Vajza që ka lindur dhe është rritur në Miçigan, edhe pse nuk e ka patur ende mundësinë ta vizitojë vëndlindjen e prindërve të saj, thotë se origjina e saj shqiptare është shumë e rëndësishme

TIRANE - Konkursi i bukurisë për të zgjedhur Miss USA, i cili këtë vit do të mbahet më 8 qershor, do të ketë si përfaqësuese të shtetit të Miçiganit Elizabeth (Elizaveta) Ivezaj, e bija e dy shqiptarëve nga Mali i Zi.

Vajza që ka lindur dhe është rritur në Miçigan, edhe pse nuk e ka patur ende mundësinë ta vizitojë vëndlindjen e prindërve të saj, thotë se origjina e saj shqiptare është shumë e rëndësishme, aq sa ajo e ka përfshirë atë duke e pasqyruar edhe me elementë të origjinës edhe në fustanin e konkursit.

“Miss Miçigani 2014” ka treguar për Zërin e Amerikës se reagimi dhe mbështetja nga komunitetit shqiptar ka qënë masiv, dhe ka ndikuar edhe në fitoren e sajë.

"Kur vendosa ta bëja mendova me këtë rast mendova tu bëja apel edhe çdo vajze tjetër shqiptare për të bërë diçka ndryshe nga e zakonshmja, për ti frymëzuar, dhe pse jo t’i inkurajuar të shërbejnë edhe si shembull për çdo vajzë shqipëtare në Amerikë", ka thënë në deklaratën e saj bukuroshja me origjinë nga Mali I zi.

HermesNews - ©2014

Dërgo me email | Stampo artikullin