24/05/2014 09:15:17

Skeleti 900 vjeçar në Rozafa

Në vitin e tretë të kërkimeve arkeologjike në Kalanë Rozafa, arkeologët shqiptarë dhe polakë zbuluan një skelet që mendohet se i përket peiudhës otomane

SHKODER - Flitet se është një prej zbulimeve më të mëdha të bëra brenda mureve të Kalasë "Rozafa". Arkeologët francezë dhe pokalë kanë zbuluar skeletin e një njeriu 900 vjeçar. Skeleti i përket shekullit të 12-të, pra i kohës së pushtimit turk, por kjo ende nuk është konfirmuar zyrtarisht. Skeleti është dërguar për analiza në Francë, prej ku pas një viti do të zbulohet më shumë për origjinën e tij. "Kemi vazhduar me disa kërkime në tre oborret e kalasë për të parë shtresëzimin e strukturave duke filluar që nga ato më të vonat otomane mesjetare, veneciane për të vazhduar më thellë me të antikitetit. Kemi disa ditë që kemi filluar dhe jemi akoma në shtresat e periudhës otomane mesjetare. Ne jemi të interesuar për të parë antikitetin, si është e zhvilluar kalaja në fazat më të hershme nga antikiteti i vonë deri në fazat helenistike, por që duhet që të shkojmë shumë më thellë për të kapur këto shtresa të hershme", thotë Helidon Sokoli arkeolog në Shkodër. Ky është viti i tretë që kjo ekspeditë po bën kërkime në të gjitha pjesët e kalasë. Ekspedita polake dy vite më parë po në ambientet rrethuese të kalasë nxori në dritë fakte të rëndësishme historike.

HermesNews - ©2014

Dërgo me email | Stampo artikullin