05/05/2014 14:08:21

5 Maj, një ëndërr që duhet mbrojtur

Basha dhe ish ish-Kryeministri Sali Berisha, homazhe në varrezat e dëshmorëve

TIRANË - Kryetari i Partisë Demokratike, njëherazi dhe Kryetar i Bashkisë së Tiranës, Lulzim Basha, zhvilloi mesditën e të hënës homazhe në kujtim të Dëshmorëve të Kombit me rastin 5-Majit, ditës së Dëshmorëve të Atdheut.Në përfundim të ceremonisë, Kreu i PD-së theksoi se, në këtë ditë të shënuar jo vetëm që duhet t’i kujtojmë me përulësi ata që na lanë trashëgimi Shqipërinë e lirë, por duhet të bashkohemi e të luftojmë për ëndrrën e tyre, që është edhe e jona. "Sot është dita kur shqiptarët nderojnë Dëshmorët e Kombit. Heronjtë të cilët luftuan për idealet e larta të Shqipërisë dhe shqiptarëve, bashkimit kombëtar, dinjitetin e Kombit tonë dhe Demokracinë. Sot, 70-të vite pas përfundimit të luftës antifashiste shqiptarët janë më të bashkuar dhe ideali i të rënëve në luftë anti fashiste, i errësuar për dekada po lartësohet sërisht", theksoi Basha.

HermesNews - ©2014

Dërgo me email | Stampo artikullin