30/04/2014 18:41:14

Lamtumirë Bob...

Aktori i njohur në filmin ''Kush e kërkon Roger Rabbit?'', vdiq sot pas një sëmundje në mushkëri

LONDËR - Aktori britanik, Bob Hoskins i njohur për rolin e tij në “Kush e kërkon Roger Rabbit?”, vdiq mbrëmë në moshën 71 vjeçare, për shkak të një sëmundjeje në mushkëri, bëri të ditur sot familja në një komunikatë të publikuar nga agjenti i tij. Roger Rabbit, Londinezi babaxhan, i cili e nisi karrierën kinematografike në vitet 1970, u shua në paqe në spital mbrëmjen e djeshme i rrethuar nga familja. “Jemi të dëshpëruar nga humbja e Bobit tonë të dashur”, shkruanin katër fëmijët e tij dhe bashkëshortja e dytë, Linda. I prekur nga sëmundja e Parkinsonit, ai kishte njoftuar në 2012 se do t’i jepte fund karrierës.
Në rolin e fundit, Bob Hoskins luante një nga shtatë xhuxhat tek “Borëbardha dhe gjahtari” përkrah aktores amerikane, Kristen Stewart, filmi u shfaq në ekran në vitin 2012.

HermesNews - ©2014

Dërgo me email | Stampo artikullin